Қарши шаҳри “Гунгон” маҳалласидаги ички йўлларга цемент-бетон қопламаси ётқизиш ишлари давом этмоқда
Жорий йил “Обод маҳалла” давлат дастурига асосан Қарши шаҳри “Гунгон” маҳалласидаги 6,2 км ички йўлларни цемент-бетон қопламага ўтказиш режалаштирилган.
Бугунги кунга қадар маҳалладаги 4,8 км ички йўлларга цемент-бетон қопламаси ётқизиш ишлари амалга оширилди. Айни пайтда маҳалладаги Жанубий саноат кўчасида цемент-бетон қопламали йўл қурилиши ишлари давом эттирилмоқда.
Шаҳар ҳокими Нормўмин Холбоев бугун маҳаллада бўлиб, “Обод маҳалла” дастури доирасида олиб борилаётган йўл қурилиш ишларини кўздан кечирди.
